दाङको प्रशिद्ध धार्मिक स्थल बाह्रकुने संरक्षण समितिको नयाँ नेतृत्वका लागि आज मतदान भएको छ । कुल १ हजार ४ सय ५३ जना मतदाता रहेको समितिमा १ हजार ४९ मत खसेको निर्वाचन समितिले जनाएको छ ।
घोराही उपमहानगरपालिका १३ मा रहेको बाह्रकुने बराहक्षेत्र संरक्षण तथा संबद्र्धन धार्मिक समितिको नयाँ नेतृत्वका लागि दुई प्यानल चुनाबमा उत्रिएका छन् । नेपाल कम्युनिष्ट पार्टी र नेपाली कांग्रेस पार्टीको दुई प्यानल बनाएर उनिहरु चुनावमा उत्रिएका हुन् ।
नेकपा समर्थितबाट रामबहादुर श्रेष्ठको नेतृत्व र नेपाली कांग्रेसको तर्फबाट टेमन बुढा मगरको नेतृत्वमा दुई समुह निर्बाचनमा उत्रिएका हुन् । श्रेष्ठको प्यानलबाट सदस्यहरुमा अमरबहादुर गुरुङ, धनसिंह श्रेष्ठ, प्रकाश घर्ती, आइते बिक, धनराज पुन, पुर्णबहादुर बिक, लक्ष्मी घर्ती, श्रृजना कवर, दिलकुमारी घर्ती मगर र सुन्तली चौधरी चुनावी प्रतिस्पर्धामा रहनुभएको छ ।
यस्तै नेपाली कांग्रेस समर्थीत बुढाको नेतृत्वमा जगतबहादुर बम्पाल, माधव केसी, धर्म हमाल, तेजबहादुर थापा, दिलबहादुर बुढाथोकी, कमानसिंह बिक, रिना बस्नेत, गायत्रा रोका, कमला गाहा र बिन्दु रोका सदस्य पदका लागि चुनावी प्रतिस्पर्धामा हुनुहुन्छ ।
२ सय १६ जना आजीवन सदस्य र १ हजार २ सय ३७ जना साधारण सदस्य गरी १ हजार ४ सय ५३ जना मतदाता रहेका थिए । तर १ हजार ४९ मत मात्रै खसेको छ । मतदान पछि मुचुल्का तयार पारि मतपेटीकाहरु घोराही ल्याईएको छ ।
दाङ जिल्ला उद्योग बाणिज्य संघको सभाकक्षमा आजै राती देखी मतगणना हुने निर्बाचन समितिका संयोजक दयाजी रोका मगरले जानकारी दिनुभएको छ । विहान ८ बजे देखी बेलुका ५ बजे सम्म मतदान भएको थियो ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
