घोराही १८ नवलपुरस्थित सुनौलो विहानी टोल विकास संस्थाको अधिवेशनबाट सूर्यचन्द्र रानाको अध्यक्षतामा ११ सदस्यीय नयाँ कार्य समिति चयन गरिएको छ ।
जसको उपाध्यक्ष शान्ता चौधरी, सचिव आशिष राना, सहसचिव नारायणी पन्त र कोषाध्यक्ष पद्मा पोख्रेल रहनुभएको छ । सदस्यहरुमा नारायणी कृष्ण श्रेष्ठ, कुमार बुढा, रिता चौधरी, उषा शाह, कमला ओली र जमुना घर्ती रहनुभएको छ ।
अविधेशनले सल्लाहकार पनि चयन गरेको छ । जसमा डा. हिमकर ज्ञवाली, बिष्णु पुन, मोहन योगी, मधुसूदन न्यौपाने र लालबहादुर राना रहनुभएको छ ।
नयाँ नेतृत्व चयनका लागि रामप्रसाद जैशीको संयोजकत्वमा काशीनाथ पोख्रेल र नरेन्द्र केसी सदस्य रहेको निर्वाचन समिति गठन गरिएको थियो ।
समितिले सर्वसम्मत कार्य समिति र सल्लाहकार समिति चयन गरेको हो ।
निवर्तमान अध्यक्ष मोहन योगीको अध्यक्षता र वडा सदस्य बुद्धिप्रकाश चौधरीको प्रमुख आतिथ्यमा भएको कार्यक्रममा प्रमुख अतिथि चौधरी र पत्रकार नरेन्द्र केसीले शुभकामना दिनुभएको थियो ।
कार्यक्रम सञ्चालन निवर्तमान सचिव मधुसूदन भट्टराइले गर्नुभएको छ ।
कार्यक्रममा सल्लाहकार डा. हिमकर ज्ञवालीले सडकबत्तीका लागि ५ हजार सहयोग गर्ने घोषणा गर्नुभएको थियो ।
यसैबीच शनिवार नै नवलपुर बाल क्लब पुनर्गठन गरी ध्रुव चौधरीको अध्यक्षतामा नयाँ कार्य समिति चयन गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
