मानिसका लागि एक सय बर्ष पूरा गर्नु निकै दुर्लभ मानिन्छ तर नुवाकोट जिल्लामा एक जना ११७ बर्षकी आमा अहिले पनि स्वस्थ र स्फूर्तिका साथ बाँचिरहनुभएको छ ।
ककनी गाउँपालिका ८ निवासी बाटुली लामिछानेको जन्म १९५८ चैत १० गते हो ।
उहाँलाई ज्येष्ठ नागरिक महिला धरोहरको रुपमा अभिलेख गर्दै मानव जातिका लागि जीवन प्रत्यासाको ऐतिहासिक जीवित उदाहरणको रुपमा सम्मान गरिएको छ ।
ककनी गाउँपालिकाले आर्थिक बर्ष २०७५/०७६ को ज्येष्ठ नागरिक कार्यक्रमअन्तर्गत ५ हजार नगद, प्रमाणपत्र र दोसल्लासहित आजदेखि शुरु भएको पोष्टबहादुर बोगटीस्मृति कृषि प्रदर्शनी मेलाको अवसरमा सम्मान गरिएको हो । पोष्टबहादुर बोगटीस्मृति प्रतिष्ठानको आयोजनामा मेला शुरु भएको छ ।
प्रमुख अतिथि पूर्वमप्रधानमन्त्री एवं नेकपाका अध्यक्ष पुष्पकमल दाहाल ‘प्रचण्ड’ले उहाँलाई सम्मान गर्नुभएको हो । ११७ बर्षीया आमालाई सम्मान गर्न पाउँदा प्रचण्ड पनि निकै भावुक हुनुभएको थियो ।
हरेक नागरिक बाटुली आमाजस्तै स्वस्थ भएर लामो कालखण्ड बाँच्न सक्ने गरी अब राज्यले सेवा सुविधाको वातावरण बनाउन सक्नु नै साँचो समाजवाद र आफूहरुले देखेको सपना भएको उहाँले बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
