नेपाल मगर सांस्कृतिक संघ दाङको चौथो जिल्ला अधिवेशन घोराहीमा सम्पन्न भएको छ ।
अधिवेशनले गगन मगरको अध्यक्षतामा २५ सदस्यीय कार्य समिति चयन गरेको छ । जसको उपाध्यक्ष शान्ता घर्ती मगर, सचिव निचा पुन मगर, सहसचिव सरस्वती बुढा मगर र कोषाध्यक्ष खुमाकुमारी घर्ती मगर रहनुभएको छ ।
निवर्तमान अध्यक्ष अञ्जनी पुनको अध्यक्षता र नेपाल मगर सांस्कृतिक संघका केन्द्रीय सदस्य एवं ५ नम्बर प्रदेश इञ्चार्ज नन्द घर्तीको प्रमुख आतिथ्यमा भएको कार्यक्रममा नेपाल मगर संघ दाङका अध्यक्ष खलु पुन, संघका निवर्तमान अध्यक्ष कृतिमान पुन, सचिव मुक्त बुढा, नेपाल मगर सांस्कृतिक संघका सल्लाहकारद्वय प्रकाशसिंह पुन र सुरश बुढाले शुभकामना दिनुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
