विप्लव नेतृत्वको नेपाल कम्युनिस्ट पार्टी निकट युवा संगठनका जिल्ला अध्यक्ष डिल्ली शर्मा पक्राउ परेका छन् ।
प्रहरीले चौरजहारी नगरपालिका ५ सल्लीबोटबाट शर्मालाई बिहीबार पक्राउ गरेको हो । पक्राउ गर्ने क्रममा प्रहरीले दुई राउण्ड हवाई फायर गरेको थियो ।
प्रहरी टोली पुग्दा उनी भाग्न खाजेपछि दुई राउण्ड हवाई फायर गर्नु परेको जिल्ला प्रहरी प्रमुख डिएसपी सुमित खड्काले जानकारी दिए ।
नियन्त्रणमा लिने क्रममा शर्माले प्रहरी माथि नै आक्रमण गरेको उनले बताए ।
त्यस क्रममा एकजना प्रहरी घाइते भएको र शर्मालाई पनि सामान्य चोट लागेको खड्काले जनाए ।
‘जिल्लाभरी चन्दा आतंक मच्चाएको र विकास निर्माणका काममा पनि अवरोध गरेको सुचना पाएपछि खोजी गरेका थियौ,’ उनले भने, ‘पक्राउ गर्न खोज्दा उनि भाग्न खोजेपछि हवार फायर गर्नुपरेको हो ।’
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
