अख्तियार दुरूपयोग अनुसन्धान आयोगले रुकुम पश्चिमबाट एक जनालाई घुस सहित पक्राउ गरेको छ । चौरजहारी नगरपालिका ११,को चौफास्थित सवडिभिजन वन कार्यालयका निमित्त प्रमुख फरेस्टर महेन्द्र बिसीलाई अख्तियार दुरूपयोग अनुसन्धान आयोगको कार्यालय सुर्खेतको टोलीले ७ हजार घुस सहित पक्राउ गरेको हो ।
आज दिउसो मुसिकोट नगरपालिका १ कालिकास्थानमा रहेको एक होटेल बाट घुस लिएको रकम सहित विसीलाई रंगेहात पक्राउ गरिएको अख्तियार दुरूपयोग अनुसन्धान आयोगको कार्यालय सुर्तेतका प्रमुख ज्ञाणुराज सुबेदीले जानकारी दिनुभयो । सेवाग्राहीबाट घूस लिन लागेको उजुरी तथा सूचनाको आधारमा उनलाई पक्राउ गरेको हो ।
कटान आदेसको बारेमा सहजिकरण गरिदिने भन्दै सेवा ग्राहिबाट विसी ७ हजार घुस लिएको अख्तियारको भनाई छ । विसीलाई पक्राउ गरि अनुसन्धान भैरहेको अख्तियारको कार्यालय सुर्खेतले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
