घोराही उपमहानगरपालिका ५ मा रहेको धारापानी मन्दिरमा पर्यटन आकर्षका लागि बृहत जलाशय निर्माणको सुभारम्भ गरिएको छ ।
पाण्डवेश्वर धार्मिक क्षेत्रको बृहत पर्या—पर्यटन आयोजना अन्तरगत प्रदेश ५ को उद्योग पर्यटन वन तथा वाताबरण मन्त्रालयबाट विनियोजन भएको एक करोड रुपैयाँको लागमा बृहत जलाशय बन्ने भएको हो ।
उक्त जलाशयको आज प्रदेशसभा सदस्य रेवतीरमण शर्मा, अमरबहादुर डाँगी, अर्जुनकुमार श्रेष्ठ, जिल्ला समन्वय समितिका प्रमुख जितेन्द्रमान नेपाली, घोराही उपमहानगरपालिकाका कार्यबहाक प्रमुख सीता सिग्देल न्यौपाने र मन्दिर व्यवस्थापन समितिका अध्यक्ष गणेशकुमार अधिकारी सहितको उपस्थितीमा शिलन्यास गरिएको छ ।
चार बिगाह जमिनमा पर्यटकीय क्षेत्रकै रुपमा विकास गर्ने गरी जलासय निर्माण गर्न थालिएको हो । धारपानीमा आउने पर्यटकहरु डुंगामा शयर गरेर मन्दिरमा पुजा आरधना गर्न सक्नेगरी काम अघि वढाईने भएको छ ।
प्रदेश सरकारले धारपानी क्षेत्रको विकासको लागि २ करोड बजेट अन्तरगत १ करोडको पर्यटकिय जलासय, २० लाखको गुरुयोजना, पाँच लाखको डकुमेन्टेसन र ७५ लाखको लागतमा रिचार्ज पोखरी बनाउने योजना अघि सारेको छ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
