रुकुमपूर्वमा पूर्वखेलकूद मन्त्री दलजित श्रीपाली विभिन्न ठाउँको स्थलगत अनुगमन गर्नुभएको छ ।
सोमवार भूमे गाउँपालिकाको कार्य सञ्चालन तथा भौतिक निर्माणको अवलोकन तथा जनभेटघाट गर्नुभएको छ । पालिकाले अघि बढाएको गरेको मारिङ एकीकृत कृषि तथा वन अनुसन्धान केन्द्रको उहाँले अवलोकन गर्नुभएको छ । बिहान भुमे गाउँपालिकाका अध्यक्ष रामसुर बुढा मगरले पूर्वमन्त्री श्रीपालीलाई पहिलोपटक प्रकाशन गरेको भूमे बुलेटिन दिएर स्वागत गर्नुभयो ।
भूमे गाउँपालिकाले बिकास योजना नेपालको स्थानीय तह मध्यमा नमुनाको रुपमा अगाडि बढिरहेको पूर्वमन्त्री दलजित शेर्पालीले बताउनुभयो ।
राजनैतिक बाटोमा लागेको देखि रुकुममा बिकास गर्ने सपना राखेकोमा आधारभूत बिकास पूरा भएको भन्दै उहाँले खुशी व्यक्त गर्नुभयो । गणतन्त्र स्थापना भइसकेपछि रुकुमका विकास गर्नेमा रुकुमका सबै राजनैतिक दलले साझा एजेण्डा विकास गर्नेमा रहेको उल्लेख गर्दै उहाँले ती एजेण्डा पूरा हुँदै गरेको बताउनुभयो ।
पूर्वमन्त्री श्रीपालीले स्थानीय नागरिकसँग भेटघाट पनि गर्नुभएको छ । उहाँको जन्मघर भूमे ७ गुनाम हो । आफूले पढेको गुमान विद्यालय, युद्धकालको तालिम केन्द्र अवलोकन गर्नुभका साथै उहाँले सहिद परिवारसँग पनि भेट गर्नुभयो ।
उहाँसँगै नेकपाका जिल्ला अध्यक्ष मेघबाहादुर श्रेष्ठ, मिक नेपालका अध्यक्ष भीउमान घर्ती लगायतको उपस्थिति रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
