दाङमा पक्राउ परेका विप्लव नेतृत्वको नेकपाका तीन नेताविरुद्ध राज्यविरुद्धको कसुर र संगठित अपराध मुद्दा दर्ता गरिदिएको छ । प्रहरीले तुलसीपुर उपमहानगरपालिका ३ राम्रीबाट तीन नेतालाइ गिरफ्तार गरेको थियो ।
नेकपाका केन्द्रीय सदस्य चुडामणि ओली ‘आदर्श’ र चन्द्रबहादुर खड्का ‘असल’ तथा रोल्पा जिल्ला सदस्य लालबहादुर ओली ‘विश्व’ पक्राउ परेका थिए ।
उनीहरुविरुद्ध मुलुकी अपराध संहिता ऐन २०७४ को राज्यबिरुद्धको कसुर (दफा ५)) र संगठित अपराध निवारण ऐन २०७० बमोजित जिल्ला अदालत दाङमा मुद्दा दायर गरिएको प्रहरीले जनाएको छ ।
जिल्ला अदालतबाट पाँच दिनको थुना म्याद लिएर अनुसन्धान अघि बढाइएको जिल्ला प्रहरी कार्यालय दाङका प्रवक्ता विनोदविक्रम शाहले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
