रुकुमपश्चिमको मुसीकोट नगरपालिका वडा नम्बर १० मा गाउँघर क्लिनिकका लागि एक व्यक्तिले जग्गा दान गरेका छन् ।
वडावासी भोलाप्रसाद बुढाले १५५ वर्गमिटर जग्गा दान गनुृभएको हो । उहाँले वडा स्वास्थ्यका नाममा जग्गा पास गरिदिनुभएको छ ।
जग्गाको पूर्जा उहाँले वडा अध्यक्ष एवं वडा स्वास्थ्य चौकी ब्यवस्थापन समिति अध्यक्ष गोप्यश्वर केसीलाइ हस्तान्तरण गर्नुभएको हो ।
वडा कार्यालयनजिकै रहेको यो भवनमा गाउँघर क्लिनिकको भवन बन्ने छ । वडा स्वास्थ्य चौकीको भवन नबन्दासम्म यही भवनबाट स्वास्थ्यचौकीको काम सञ्चालन गरिने वडा सदस्य धनबहादुर खड्काले जानकारी दिनुभयो ।
आफ्नै पहलमा वडा स्वास्थ्य चौकी स्थापना गर्ने पहिलो वडा बनेको मुसीकोट १० ले आफ्नै नाममा जग्गा प्राप्त गर्नेमा पनि अग्रता कायम गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
