नेपाल कम्युनिष्ट पार्टी (नेकपा) संसदीय दलकी सचेतक शान्ता चौधरी बेहोश हुनुभएको छ । विहान ९ बजे बहोश भएकी चौधरी एक घण्टापछि होशमा आएको स्वकीय सचिव सन्तोष दहितले जानकारी दिनुभयो ।
दाङ तुलसीपुरमा रहेको उच्च सरकारी वकिल कार्यालयको नयाँ भवन उद्घाटन कार्यक्रममा मंगलबार मन्तब्य ब्यक्त गर्नेक्रममा रिंगाटा लागेपछि उहाँलाई तुलसीपुर उपमहानगरपालिकाका प्रमुखको गाडीमा अस्पताल लैजादै गर्दा बाटोमा बेहोश भएको र सलाइन चढाएपछि एक घण्टापछि होशमा आएको उहाँले जानकारी दिनुभयो । अहिले सामान्य अवस्थामा आएकी चौधरीको प्रादेशिक अस्पताल तुलसीपुरमा उपचार भइरहेको छ ।
चिकित्सकहरुले उच्च रक्तचापका कारण उहाँ बेहोश भएको जनाएका छन् । यसअघि संविधान दिवसको अवसरमा काठमाडौँको टुँडिखेलमा आयोजित विशेष कार्यक्रममा पनि चौधरी उच्च रक्तचापका कारण बेहोश हुनुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
