रोल्पाको गंगादेव गाउँपालिका अध्यक्षको गाडीमा आगजनी भएको छ ।
अज्ञात समूहले आगजनी गरेको रोल्पा प्रहरीले जानकारी दिएको हो । यसबारेमा अनुसन्धान भइरहेको प्रहरी प्रमुख डिएसपी दिपक खडकाले बताउनुभयो ।
गाउँपालिका अध्यक्ष बिरबहादुर खत्री अपराजयको भे १ ज २७८५ नम्बरको गाडी ४ नम्बर वडा कार्यालय म्वालेखोलामा रोकी राखेको अवस्थामा आगजनी भएको हो ।
खत्रीले उक्त गाडी भाडामा लिएर चलाउँदै आउनुभएको गाउँपालिकाले बताएको छ ।
रोल्पाका दुई स्थानमा भएको घटनाको जिम्मेवारी भने अहिले सम्म कसैले पनि लिएको छैन ।
यद्यपि नेत्र विक्रम चन्द नेतृत्वको नेकपाले बुधवार रोल्पामा सरकारी गाडीमा रोक लगाएको बताएकाले सोही पार्टीका कार्यकर्ताले आगजनी गरेको प्रहरीको अनुमान छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
