फागुन १५ को विहानैदेखि झ्याम्मझ्याम्म पानी परिरहेको थियो तर घोराही उपमहानगरपालिका वडा नम्बर ३ का बासिन्दा सरसफाइका औजार लिएर सडकमा निस्केका थिए ।
उपमहानगरपालिकाको वातावरण तथा विपत् ब्यवस्थापन समिति र वडा कार्यालयको आयोजनामा मुसोट र चौपट्टाबाट शुरु गरिएको छुट्टाछुट्टै सरसफाइमा सयौंको सहभागिता रहेको थियो । पानीको झरीको पर्वाह नगरी उनीहरुले उत्साहपूर्णरुपमा सरसफाइ गरेका थिए ।
कार्यक्रम उद्घाटन उपमहानगरपाकिलाका उप्रमुख सिता सिग्देल न्यौपानेले गर्नुभएको थियो भने कार्यक्रममा वातावरण तथा विपत् ब्यवस्थापन समितिका संयोजक शक्तिराम डाँगी, वडा नम्बर ३ का अध्यक्ष माधवकुमार चौधरी, स्थानीय सुनछहरा युवा क्लबका पदाधिकारी, ट्राफिक प्रहरी, नेपाल प्रहरीलगायतले अभियानको अगुवाइ गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
