सरकारले पर्यटनमन्त्री रविन्द्र अधिकारीको निधनमा भोलि राष्ट्रिय शोकको घोषणा गरेको छ ।
मन्त्रिपरिषद्को आकस्मिक बेठकले मन्त्री अधिकारीको निधनको शोकमा भोलि राष्ट्रिय शोक मनाउने घोषणा गरेको हो ।
भोलि देशभर र विदेशस्थित कूटनीतिक नियोगहरुमा सार्वजनिक विदा दिइनेछ ।
पर्यटन, संस्कृती तथा नागरिक उड्ययन मन्त्री रवीन्द्र अधिकारीसहित ७ जनाको हेलिकप्टर दुर्घटना भइ ताप्लेजुङमा निधन भएपछि सरकारले सार्वजनिक विदा दिने निर्णय गरेको गृहमन्त्री रामबहादुर थापा बादलले जानकारी दिए ।
मृतकको सम्झनामा बिहीबार सरकारी निकाय, कुटनीतिक नियोग तथा शैक्षिक संस्थाहरुमा आधा झण्डा झुकाउने निर्णय समेत गरेको छ ।
अधिकारीसहित मृतक सबैको राष्ट्रिय सम्मानका साथ बिहीबार अन्तेष्टि गरिने भएको छ । मन्त्रिपरिषदको बैठकले हेलिकप्टर दुर्घटनाका विषयमा छानविन गर्न पूर्वपर्यटन सचिव यज्ञप्रसाद गौतमको संयोजकत्वमा ४ सदस्यीय छानविन समिति गठन गरेको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
