रुकुमपश्चिमको सदरमुकाम मुसीकोटमा आज स्वस्फूर्त जुलुस निकालिएको छ ।
मदिरा, महिला हिंसा, बालविवाह, जुवातास एवं लागूऔषध विरुद्धमा आममहिला, दलित, युवा तथा विद्यार्थीले एकसाथ र्याली निकालेका हुन् । उनीहरुले जिल्लालाई मदिामुक्त बनाउने सरकारी अभियानको समर्थन गर्दै तत्काल कार्यान्वायनमा ल्याउन माग गरे ।
समाजमा विकृति विसंगति, हत्या,हिंसाजस्ता घटना बढ्दो क्रममा रहेकाले त्यसको न्युनिकरणमा दवाव दिन भन्दै नागरिक तहबाट र्याली आयोजना गरिएको थियो ।
समाज विकृत बन्दै जानुको मुख्य कारण मदिरा, बालविवाह, जुतावास तथा लागूऔषधलगायत भएको निस्कर्ष निकाल्दै सम्बन्धित पक्षलाई त्यसको न्युनिकरणमा दबाब पुगोस् भनेर र्याली निकालिएको महिला अधिकारकर्मी जोखिमाया कठायतले बताउनुभयो । र्यालीमा महिला, बालबालिका, दलित, युवा, नागरिक समाजका अगुवा सहभागी थिए ।
र्यालीले खलंगा बजार परिक्रमा गरेर बाल मन्दिरको कोण सभामा परिणत भएको थियो । सभामा बोल्नेहरुले तत्कालै समाजका विकृत बनाउने पदार्थ तथा चलनको अन्त्य नगरे जिल्लाले ठूलो क्षति व्यहोर्नु पर्ने चेतावनी दिएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
