बंगलाचुली गाउँपालिका निवासी नेपाल कम्युनिष्ट पार्टी (नेकपा)का नेता हिमलाल लम्सालको स्मृतिमा शनिवार उहाँको निवासमा श्रद्धञ्जली शभा सम्पन्न गरिएको छ । नेपाल कम्युनिष्ट पार्टी ((नेकपा) बंगलाचुली गाउँपालिकाको आयोजनामा उहाँको निवास बंगलाचुली– ३ श्रीवारीमा सभा गरिएको हो ।

कार्यक्रममा नेकपाका केन्द्रीय सदस्य निर्मल आचार्यले लम्सालले कम्युनिष्ट राजनीतिमा पु¥याएको योगदानको चर्चा गर्दै उहाँको निधनले पार्टीलाई ठूलोा क्षति पुगेको बताउनुभयो । लम्सालले पार्टीमा लागेर खेल्नुभएको स्वार्थरहित राजनीतिलाई अन्य कार्यकर्ता नेताहरुले पनि सिक्न जरुरी रहेको बताउनुभयो । लम्साल एक निडर साहसी कम्युनिष्ट योद्धा रहेको भन्दै उहाँले दशकौंसम्म उहाँले पार्टीलाई पु¥याएको योगदानलाई पार्टीले सधै सम्मान गर्ने बताउनुभयो ।

राजनीतिक प्रसंगमा उहाँले कम्युनिष्ट सरकारलाई घेराबन्दी गर्न शुरु गरिएको बताउनुभयो । उहाँले कम्युनिष्ट सरकारले गरेका राम्रा कामहरु देखेर देशको भलो नचाहनेहरुले देशमा गतल अफवाह फैलाउन शुरु गरेको बताउनुभयो ।

‘देशमा अहिले प्रतिक्रियावादी तत्वहरु सलबलाउन थालेका छन्, बौद्धिक जमातलाई प्रयोग गरेर सरकारको विरोध गर्न लागाइएको छ, यसमा तपाइ हामी सजक बन्दै अघि बढ्नुुपर्ने बेला आएको छ’– आचार्यले भन्नुभयो ।

उहाँले सरकारले पछिल्लो समयमा श्रमिकलाई पेन्सन योजना, प्रधानमन्त्री युवा रोजागार कार्यक्रम, जलविद्युतमा जनताको लगानीजस्ता कार्यक्रम अघि बढाएको भन्दै यसले जनताको जीवनस्तर माथि उठाउन फाइदा पुग्ने बताउनुभयो ।

नेपाल कम्युनिष्ट पार्टी(नेकपा) दाङ जिल्ला कार्यदल सदस्य शिवकुमार आचार्यले हिमलाल लम्सालको निधनले बंगलाचुलीमा कम्युनिष्ट अविभावक गुमाउनुपरेको भन्दै दुख व्यक्त गर्नु भयो । हिजोको सामन्ती व्यवस्था र तानाशाहको विरुद्धमा सशक्त आवाज उठाउने मध्येका एक कम्युनिष्ट योद्धा लम्साल पनि रहेको उहाँले बताउनुभयो ।

कार्यक्रममा नेपाल कम्युनिष्ट पार्टी (नेकपा) जिल्ला कार्यदल सदस्य तुलसीराम पुनले अथह यौद्धाको निधन भन्दै दुःख व्यक्त गनुृभयो ।

बंगलाचुली गाउँपालिका अध्यक्ष भक्तबहादुर ओलीले लम्सालको निधनले बंगलाचुली गाउँपालिकाको नेपाल कम्युनिष्ट पार्टीले एउटा अविभावक गुमाएको बताउनुभयो ।

नेपाल कम्युनिष्ट पार्टी (नेकपा) बंगलाचुलीका अध्यक्ष डोमाकान्त कवरको अध्यक्षतामा भएको कार्यक्रममा बंगलाचुली गाउँपालिका ३ का अध्यक्ष शोभाराज विश्वकर्माले लम्सालको योगदानको चर्चा गर्नुभएको थियो । लम्सालका भाइ गिरिराज लम्सालले कार्यक्रममा कृतयज्ञता ज्ञापन गर्नुभएको थियो ।

कार्यक्रममा बंगलाचुली गउँपालिका उपाध्यक्ष यमुना थापा मगर, विप्लव नेतृत्वको नेकपाका भीमबहादुर रानालगायतले बोल्नु भएको थियो । कार्यक्रमको सहजीकरण खगराज लम्सालले गर्नुभएको थियो ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।