सदमुकाम विवादले केही दिनदेखि रुकुमपूर्व तनावग्रस्त छ । 
लगातार रुकुमकोट सदरमुकामको पक्षमा बन्द हड्तालसहितको आन्दोलन हुँदै आएकोमा पछिल्लो समय गोलखाडा सदरमुकाम बनाउने पक्षमा घर छाडेरै हजारौं नागरिक आन्दोलनमा निस्केका छन् ।
उनीहरुमध्ये धेरै लगातार पाँच दिन हिडेर रुकुमकोटनजिकको रुकुमगाढसम्म आएर फर्किए ।
आफूहरुले चुनेका प्रतिनिधिले आफूहरुको वास्ता नगरेको भन्दै मत फिर्ताको अभियान चलाएको स्थानीयको भनाइ छ । खाम मगर समुदायको पहिचानका कारण नयाँ जिल्ला बने पनि अहिले आफूहरुलाई बेवास्ता गरिएको सुरेन्द्र पुनले बताउनुभयो ।
आफूहरुको आवाज सरकारले नसुनेपछि लत्ता कपडा र भुटेको मकैको सहारामा आफूहरु आवाज सुनाउन आएको आन्दोलनका अगुवा जीतमान पुन ‘मार्शाल’ले बताउनुभयो । प्रमुख जिल्ला अधिकारीले आन्दोलनस्थलमा आएर ज्ञापनपत्र बुझ्न नमानेको बताउँदै उहाँले यस्तै स्थिति आए आफ्नो क्षेत्रबाट सबै सरकारी कर्मचारी फिर्ता गरिदिने चेतावनी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
