रुकुमपूर्वको सदरमुकाम गोलखाडा बनाउने अघिल्लो सरकारको निर्णय कार्यान्वायन गर्न माग गर्दै रुकुमपूर्वको गोलखाडा पक्षधर स्थानीय बासिन्दाले गोलखाडामा सभा गरेका छन् ।
उनीहरु सरकारी निर्णय कार्यान्वायनको माग गर्दै सरकारलाई ज्ञापनपत्र बुझाउन भन्दै रुकुमकोटर्फ प्रस्थान गरेका छन् । झण्डै ६ हजारको संख्यामा रहेका स्थानीयवासी नाराजुलुसहित रुकुमकोटतर्फ प्रस्थान गरेका छन् ।
जनमास प्रदर्शनसहित रुकुमगाडसम्म पुग्ने र प्रतिनिधिहरु जिल्ला प्रशासनमा पुगेर ज्ञापनपत्र बुझाउने गरी तयारी गरिएको स्थानीय अगुवा पुनीराज घर्तीले जानकारी दिनुभयो ।
गोलखाडाको सभालाई जीतमान पुन मार्शल र पुनीराज घर्तीले सम्वोधन गर्नुभएको थियो ।
जनमास झुम्लावाङ–खावाङहुँदै रुकुमकोटतर्फ जाने रुट तय गरिएको छ ।
आज संभवतः बढीमा खावाङ र नकसे झुम्लावाङसम्म पुग्ने गरी ब्यवस्था मिलाइएको छ । यति ठूलो संख्यामा जनमास जाडोको बेलामा रातमा खान बस्न समस्या हुने देखिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
