• ११ असार २०७९, शनिबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
गोलखाडा सदरमुकाम कायम गर्न माग गर्दै प्रदर्शन शुरु




रुकुमपूर्वको सदरमुकाम गोलखाडा बनाउने अघिल्लो सरकारको निर्णय कार्यान्वायन गर्न माग गर्दै रुकुमपूर्वको गोलखाडा पक्षधर बासिन्दाले प्रदर्शन शुरु गरेका छन् ।

पुथाउत्तरगंगा गाउँपालिकाको घरघरबाट गएका स्थानीयवासीले केहीबेरअघि देखि गोलखाडामा प्रदर्शन शुरु गरेका हुन् ।

रदर्शनमा पुथाउत्तरगंगा गाउँपालिकाका १४ वटै वडाबाट सहभागिता रहेको छ । त्यस्तै भूमे गाउँपालिका तीन वटाबाट पनि आंशिक उपस्थिति देखिएको छ ।

तीन स्थानीय तह रहेको रुकुमपूर्वमा ३१ वडा रहेका छन् । सिस्ने गाउँपालिकाका पूरै र भूमे गाउँपालिकाका अधिकांश वडाबासी रुकुमकोट सदरमुकामको पक्षमा देखिन्छन् भने पुथाउत्तरगंगा गाउँपालिकाका पूरै र भूमेका तीन वडाका केही बासिन्दा गोलखाडाको पक्षमा देखिएका छन् ।

आन्दोलनकारी गोलखाडाबाट काँक्रीहुँदै रुकुमगाढ खोलासम्म पुग्ने तयारीमा जुटेका छन् । प्रशासनले कफ्र्यू लगाएको ठाउँनजिकसम्म पुग्ने गरी प्रदर्शनको तयारी थालिएको अगुवाहरुले बताएका छन् ।

सदरमुकाम विवाद सर्वोच्च अदालतमा विचाराधीन रहेको छ । माघ २७ गते पेशी तोकेकाले दुबै पक्षले शक्ति प्रदर्शन गर्न शुरु गरेका छन् ।

यसअघि रुकुमकोट पक्षधरले रुकुममा बन्द हड्तालसहितको आन्दोलन घोषणा गरेपछि गोलखाडापक्षर पनि प्रदर्शनमा उत्रिएका छन् ।

Facebook Comments