घोराही उपमहानगरपालिका वडा नम्बर १ र २ मा पर्ने रामपुरको बुका गाउँ गरिने अर्गानिक खेतीका लागि तयारी थालिएको छ ।
पर्यावरणीय दिगो विकास तथा अनुसन्धान केन्द्र नेपालको अगुवाइ तथा स्थानीय समुदायको सक्रियतामा शुरु भएको अर्गानिक पकेट क्षेत्र निर्माणमा कार्यक्रमअन्तर्गत बीउ उत्पादन शुरु गरिएको छ ।
संयुक्त राष्ट्रसंघीय विकास कार्यक्रम यूएनडिपिको जिइएफ÷एसजिपीको सहयोगमा यी दुइ वडामा अर्गानिक खेती शुरु हुँदैछ ।
त्यसका लागि स्थानीय किसान उपेन्द्रबहादुर शाहीलाई अकबरे खुर्सानी र टमाटरको वीउ उपलब्ध गराइएको छ । साथमा पानीको ड्रम पनि उपलब्ध गराइएको छ ।
त्यस्तै स्थानीय ३० घर परिवार किसानलाई प्रतिघर सात हजारका दरले भकारो सुधार गर्न २ लाख १० हजार रकम उपलब्ध गराइएको पर्यावरणीय दिगो विकास तथा अनुसन्धान केन्द्र नेपालका अध्यक्ष डिल्लीबहादुर रावतले जानकारी दिनुभयो ।
हरेक परिवारलाई पाँच सय इँटा उपलब्ध गराइएको छ ।
भकारो सुधारपछि कम्पोष्ट मल निर्माणमा सहयोग पुग्ने अपेक्षा गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
