• १२ आश्विन २०७९, बुधबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
विश्वविद्यालयलाई गुण्डागर्दीको थलो नबनाउनुस्ः मुख्यमन्त्री शाही




कर्णाली प्रदेशका मुख्यमन्त्री महेन्द्रवहादुर शाहीले विश्व विद्यालयलाई गुण्डागर्दीको थलो नवनाउन आग्रह गर्नुभएको छ । विहीवार मध्यपश्चिमाञ्चल विश्वविद्यालयको वीरेन्द्रनगर स्थिल स्कुल अफ ल क्याम्पसमा वीए एलएलवी कार्यक्रमको उद्घाटन गर्दै मुख्यमन्त्री शाहीले विश्वविद्यालय प्राज्ञिक थलो भएकोले प्राज्ञिक संस्कृतिको विकास हुनुपर्नेमा जोड गर्नुभयो ।

‘राष्ट्र निर्माण गर्ने जनशक्ति उत्पादन हुने थलोवाट ‘डन’ उत्पादन गर्न थाल्यौं भने भोलीको नेपाल कस्तो वन्ला ?’ मध्यपश्चिमाञ्चल विश्वविद्यालयमा वेला वेला हुने गरेका तालावन्दी तथा अमर्यादित गतिविधिप्रति कटाक्ष गर्दै मुख्यमन्त्री शाहीले भन्नुभयो ‘विश्वविद्यालयमा प्राज्ञिक शैक्षिक वातावातरण निर्माण गर्न विश्वविद्यालय प्रशासन गम्भिर वन्नुपर्छ ।’

मुख्यमन्त्री शाहीले मध्यपश्चिमाञ्चल विश्वविद्यालयलाई प्रदेश सरकारको मातहतमा ल्याई कर्णाली प्रदेशमा आवश्यक जनशक्ति निर्माण गर्ने शैक्षिक संस्थाका रुपमा विकास गर्ने सोच रहेको वताउनुभयो । अहिले केन्द्र सरकारको मातहतमा भएपनि कर्णालीको विकास र समृद्धिको लागि आवश्यक जनशक्ति उत्पादनका लागि आवश्यक शैक्षिक कार्यक्रम संचालन गर्नुपर्नेमा मुख्यमन्त्री शाहीले जोड दिनुभयो ।

‘अवको १५ वर्ष भित्र कर्णालीको प्रतिव्यक्ति आय २१०० डलर पुर्याउने प्रदेश सरकारको लक्ष्य छ ।’ मुख्यमन्त्री शाहीले भन्नुभयो–‘त्यसको लागि विश्वविद्यालयले प्राविधिक शिक्षा तर्फ आफना शैक्षिक कार्यक्रम संचालन गर्न आवश्यक छ ।’

कानुन संकायको सुरुवातले विधिको शासन र लोकतन्त्रको सुदृढिकरणमा थप योगदान पुरयाउने विश्वास गदै मुख्यमन्त्री शाहीले दक्ष जनशक्ति विकासका लागि शुभकामना व्यक्त गर्नुभयो ।

विश्वविद्यालयमा वीए एलएलवी कार्यक्रमको संचालनका लागि योगदान गर्ने डा.युवराज संग्रौलालाई सम्मान गरिएको थियो भने मुख्यमन्त्री शाहीलाई विश्वविद्यालयको समग्र विकासमा योगदान पुरयाएको भन्दै सम्मान गरिएको थियो ।

Facebook Comments