नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टी निकट अखिल (क्रान्तिकारी) विद्यार्थी संगठनहरुले देशव्यपी रुपमा राज्यलाई ७२ अर्ब करछलि गर्ने एनसिएल कम्पनी माथि विरोध प्रदर्शनी गरिरहेका छन् ।
त्यसै क्रममा बिहिबार दाङमा पनि पार्टी निकटका युवा संगठन नेपाल र अखिल क्रान्तिकारी दाङको संयुक्त आयोजनामा राज्यलाई ७२ अर्व रावश्व नतिर्ने एसिएल कम्पनी विरुद्ध विरोध प्रदर्शन गरेका हुन् ।
कोणसभामा सम्बोधन गर्दै युवा संगठन नेपालका केन्द्रीय सदस्य तिलक योगीले पार्टीले राज्यलाई एकडेढ वर्ष पहिले नै ७२ अर्व करछलि गर्ने एनसिएल कम्पनी माथि कारबाही भएको र त्यस पश्चात केही रकम राज्यलाई बुझाएको भएतापनि दलाल नेताको मिलिमहत्वमा अझै अरबौ अरब करछलि गरिरहेको बताए ।
यदि एनसिएल कम्पनीले तुरुन्तै राज्यलाई राजश्व नतिर्ने हो भने अब नेपाल कम्युनिस्ट पार्टी फेरी संघर्षमा अगाडि बढ्ने बताए । नेपालमा अहिले सामाजिक तथा राजनीतिक अवस्थालाई हेर्ने हो भने वैज्ञानिक समावाद र दलाल संसदीय पुँजीवादी सत्ता बिच टकराब तथा संघर्ष चलिरहेको उनको भनाई थियो । पार्टीले भष्ट्रचारहरुलाई निरन्तर कारबाही गर्ने तथा यो संसदीय व्यवस्थालाई अन्त्य गरी वैज्ञानिक समावाद व्यवस्था लागू गर्नका सबै जनता एक जुट भएर संघर्ष गर्नुपर्ने समेत उनले बताएका थिए ।
त्यस्तै अखिल क्रान्तिकारी दाङ जिल्लाको संयोजक प्रितिमा चौधरीले यो लडाई दलाल सत्ता संग मात्र भएको बताईन् । यो दलाल संसदीय पुँजीवादी व्यवस्थाले सम्पूर्ण नेपाली जनताले दुःख पाएको भन्दै एक पटक एकिकृत जनक्रान्तिको पक्षमा उभिन सबैलाई अनुरोध गरिन् ।
देशमा अहिले मंहगी, कालोबजारी, हत्या, हिंसा र बलात्कार लगाएका घट्ना दिन प्रति दिन बढ्दै गएको समेत उनले बताईन् । कञ्चनपुरकी निर्मला पन्तको बलात्कार पछि हत्या भयो लामो समय सम्म पनि हत्यारालाई कारबाहीको दायरामा ल्याउन नसकेको उल्लेख गरिन् । अक नेपालमा वैज्ञानिक समाजवाद व्यवस्था लागू भएमा मात्र आए नेपाली जनताले आफ्नो अधिकार सुनिश्चित गर्न पाउँने उनको भनाई थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
