दाङको महत्वपूर्ण धार्मिकस्थल घोराही १८ स्थित अम्बिकेश्वरी मन्दिरमा निशुल्क वाइफाइ जडान गरिएको छ ।
वल्र्डलिंक कम्युनिकेसन्स प्रालिले पाँच बर्षसम्मका लागि निशुल्क वाइफाइ सुविधा प्रदान गर्ने गरी जडान गरेको छ ।
अब मन्दिरमा पुग्ने जोकोहीले पनि पासवर्डविना नै निशुल्क वाइफाइ प्रयोग गर्न पाउने छन् । एक जना व्यक्तिले हरेक दिन ९० मिनेटसम्म नेट चलाउन पाउने गरी निशुल्क वाइफाइ जडान गरिएको प्रालिका घोराही शाखा प्रबन्धक आकाश सापकोटाले जानकारी दिनुभयो । जति धेरैले चलाए पनि दुइ सय एमवी क्षमता नघट्ने गरी नेट सुविधा प्रदान गरिएको उहाँले जानकारी दिनुभयो ।
त्यस्तै वल्र्डलिंकले जिल्ला प्रशासन कार्यालय, बुद्ध अस्पताल र यूनिक मार्केट तुलसीपुरचोकमा पनि उपभोक्तालाई निशुल्क वाइफाइ सुविधा दिने गरी नेट जडान गरिएको सापकोटाले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
