सिस्ने गाउँपालिका–६, की ३० वर्षीया रेनुका बिसी शाह र उनका २० महिने छोरा यटियम जंगलमा मृत फेला परेका छन् ।
पुस २६ गते औषधि गर्न नेपालगञ्ज जाने भन्दै घरबाट हिडेकीरेनुकाकाे शव शनिबार बेलुकी जंगलमा भेटिएकोहाे। घरदेखि झण्डै ३ किलोमिटर टाढाको उदिनढुङ्गा भन्ने जंगलमा छोरा झुण्डिएको अवस्थामा र आमा भूइँमा लडेको अवस्थामा फेला परेको जिल्ला प्रहरी प्रमुख प्रहरी नायब उपरीक्षक लोकनाथ तिम्सिनाले बताए।
आमाको घाँटीमा डोरी रहेको र त्यो रुखबाट चुँडिएको हुन सक्ने डिएसपी तिम्सिनाको भनाई छ। प्रारम्भिक अनुसन्धानबाट छोराको हत्यापछि आमाले पनि आत्महत्या गरेको जस्तो देखिएपनि विस्तृत कुरा भने पोष्टमार्टम र थप अनुसन्धानपछि मात्रै खुल्ने डिएसपी तिम्सिनाले बताए।
दाउरा काट्न जंगल गएका स्थानीयले शव देखेपछि प्रहरीलाई खबर गरेका थिए। उनले आफूले प्रयोग गर्ने मोवाइल पनि घरमै छाडेकी थिइन्।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
