राष्ट्रिय टोपी दिवस दाङमा पनि मनाइएको छ ।
पद्यमोदय क्याम्पस शिक्षक विद्यार्थी संमन्वय समीतिको आयोजनामा एक ¥यालीसहित टोपी दिवस मनाइएको हो ।
घोराहीको तुलसीपुर चोकको आइल्याण्डमा राखिएको पुरानो राष्ट्रिय झन्डालाई हटाइ क्याम्पसका शिक्षक रमेश घिमिरेको प्रयायोजनमा नयाँ राष्ट्रिय झन्डा राखिएको थियो । क्याम्पसबाट सुरु गरीएको ¥याली बैंक रोड, निमाहल रोड ट्रफिक चोक र तुलसीपुर चोक हुदै पुनः क्याम्पसमा पुगेर कार्यक्रममा परिणत भएको थियो ।
कार्यक्रममा क्याम्पस सञ्चालक समिति अध्यक्ष बमबहादुर डिसी, क्याम्पस प्रमुख निश्चल आचार्य, निवर्तमान क्याम्पस प्रमुख गोविन्दप्रसाद न्यौपाने, समन्वय समितिका निवर्तमान अध्यक्ष प्रेम ओली, नेपाल पत्रकार महासंघ दाङका अध्यक्ष सविन प्रियासन र समितिका अध्यक्ष नन्दुकुमार खड्काले बोल्नुभएको थियो ।
कार्यक्रमको सहजिकरण सचिव प्रतिक गोराथोकीले गर्नुभएको थियो ।
तस्विरः कुलदीप न्यौपाने
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
