राप्ती क्लब घोराहीले खेलाडीलाई सम्मान गरेको छ ।
नवलपुर युवा क्लबले मंसिर २७ देखि पुस ६ गतेसम्म गरेको केशरसिंह श्रेष्ठ आमन्त्रण फूटबल प्रतियोगिता नवलपुर कप उपाधि जित्न सफल खेलाडीहरुलाई क्लबले सम्मान गरेको हो । उपाधि राप्ती क्लबले जितेको थियो ।
क्लबले शनिवार बाह्रकुने दहमा वनभोज तथा खेलाडी सम्मान कार्यक्रम गरी बिजेता १८ जना खेलाडीलाई नगदसहित सम्मान गरेको हो ।
क्लबका अध्यक्ष बसन्त पुरीको अध्यक्षता भएको कार्यक्रममा प्रमुख अतिथि खेल तथा शिक्षा क्षेत्रका अगुवा नारायणसिंह गुरुङ, बिशिष्ठ अतिथि वडा नम्बर १५ का अध्यक्ष रमेश पाण्डे, क्लबका सल्लाहकारहरु केदारराज श्रेष्ठ र मदनकुमार श्रेष्ठ र नवलपुर युवा क्लबका अध्यक्ष दीपक पुनले खेलाडी क्लबलाई बधाइ दिनुभएको थियो ।
सदस्य बिमल श्रेष्ठको स्वागत मन्तव्यबाट शुरु भएको कार्यक्रम सञ्चालन सचिव श्याकुमार गिरीले गर्नुभएको थियो
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
