जिल्लाको दार्मा गाउँपालिका मा पहिलोपटक बिधुत पुगेको छ । गाउपालिकाको वडा नं ६ चिफ्लेमा एक कार्यक्रमको अायोजना गरि बिधुतको उद्घाटन गरिएको हो ।
गाउँपालिकाका अध्यक्ष निम बहादुर के.सी. अरुण , गाउपालिका उपाध्यक्ष टीका शर्मा अोली र बिधुत प्राधिकरण सल्यान का प्रमुख अर्जुन पोख्रेलले सयुक्त रुपमा स्वीच दवाएर बत्ती बालेर उद्घाटन गर्नुभएको हो ।
कार्यक्रम मा बोल्दै अध्यक्ष के.सी. ले अाफूहरु जनताका अावश्कता हरु परिपूर्ति गर्न ईमानदार भई लागिरहेको र अाफ्नो कार्यकाल भित्रै दार्माका अाधा घरधुरीमा बिजुली पुग्ने विश्वास व्यक्त गर्नुभयो ।
करिव ४३ लाखको लागतमा सम्पन्न गरिएको उक्त बिधुतिकरण योजना बाट पहिलो पटक १३ घरधुरीले बिजुली बाल्न पाउने छन भने यसै अार्थिक वर्षमा द्रुत गतिमा काम भएमा गाउपालिकाका अन्य अाधा जनसंख्याले बिजुली बाल्न पाउने कार्यक्रममा बोल्ने वक्ता हरुले बताएका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
