घोराही सिमेन्ट उद्योगको उत्पादन सगरमाथा सिमेन्ट उद्योगमा आगलागी भएको छ। सगरमाथा सिमेन्टको सिएसपी भवनमा आगलागी भएको हो

घोराही उपमहानगरपालिका ३ गोग्लीमा रहेको उद्योगमा विद्युत सर्ट भएर आगलागी भएको दाङ प्रहरीले जनाएको छ। उद्योगको निर्माणाधीन सिएसपी भवनको ३५ मिटर माथि बिजुलीको तार सर्ट भई आगलागी भएको दाङ प्रहरी प्रवक्ता प्रहरी नायव उपरीक्षक रामप्रसाद घर्तीले बताए।

अहिले आगो पूर्णरुपमा नियन्त्रणमा आएको र कुनै पनि मानवीय क्षति नभएको उनले बताए। आगलागीबाट प्लाई, वल्डिङ मेसिन ५ वटा, ग्रिल मेसिन र ३ वटा ग्यास सिलिन्डरमा क्षति भएको जनाइएको छ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।