चिनियाँ जनवादी क्रान्तिका नेता माओत्सेतुङको १२६ औं जन्म दिवस भोलि पुस ११ गते नेपालमा पनि मनाइदैछ ।
माओवाद र विचारधारा मान्ने कम्युनिष्ट घटक तथा विभिन्न संस्थाहरुले माओ दिवसको अवसरका बिबिध कार्यक्रम गर्दैछन् ।
यसैबीच दाङमा अन्तक्र्रिया हुँदैछ । बाम सहकार्यका लागि साझा मञ्च दाङको आयोजनामा ‘माक्र्सवादको विकासमा माओत्सेतुङको योगदान’ बिषयक कार्यक्रम हुँदैछ ।
मञ्चका संयोजक सुशील गौतम र कार्यक्रम संयोजक रामप्रसाद जैशीले विज्ञप्ति जारी गरी नेपाल पत्रकार महासंघमा विहान ११ बजे शुरु हुने कार्यक्रममा उपस्थितिका लागि अनुरोध गर्नुभएको छ ।
कार्यक्रममा शशिधर भण्डारीले कार्यपत्र प्रस्तुत गर्नुहुनेछ भने सन्तबहादुर नेपाली, हिरामणि दुःखलगायतले टिप्पणी गर्ने कार्यक्रम रहेको विज्ञप्तिमा उल्लेख छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
