देख्छु उदाउदा घाम अनि हिमाल यसरी मेरो देशमा।
देख्छु खोलानाला ताल झरना सुन्दरी मेरो देशमा।

गर्भ लाग्छ मलाई मेरो प्यारो देश नेपालमा जन्मदा,
हिमाल पहाड तराइ नाता छ अजम्बरी मेरो देशमा।

कतै चौरी त कतै गैडा हेरौ हेरौ लागी रहन्छ मनमा,
विश्वमा नपाइने नया प्रजातिका चराचरी मेरो देशमा।

चार जात छत्तीस वर्णले बनेको छ मेरो देश बिशाल,
भाषाधर्म कलाकृती पाइन्छ अनेकथरी मेरो देशमा।

खान्छु आटो लगाउछु दौरासुरुवाल आनन्द छ मनमा,
डराउदैन कसैसँग बस्ने छु ठाडो सिरगरी मेरो देशमा।
निसिखोला गाउँपालिका-४
बाग्लुङ

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।