रुकुम पश्चिम चौरजहारी नगरपालिकामा ७ दिनदेखि अवरुद्ध रहेको चौरजहारी , खोलागाउँ , नुवाकोट ९ मुख्य ० सडक खण्ड खुलेको छ ।
मेलैनाउली , मनकोट , कालापाथर सडक खन्दा खेरि वडा न। ७ मेलैनाउलीदेखि स्थानीयले पुरानो सडक ओझेलमा पर्ने भन्दै नाका नदिँदा विवाद उत्पन्न भएको थियो ।
सडक खन्न नदिने भए हामी पनि सञ्चालन भइरहेको सडक पनि चल्न दिदैनौँ भन्दै सडक निर्माणको जिम्मा लिएको श्रम सहकारीद्वारा मुख्य सडकमा खाडल पारेर सडक अवरुद्ध पारिएको थियोे ।
सडक अवरुद्ध हुँदा नुवाकोटदेखि चौरजहारी बजारसम्म चल्ने यातायातका साधनहरु ठप्प भएका थिए ।
वडा न। ७ का वडा अध्यक्ष इन्द्रलाल शर्माका अनुसार वडा कार्यालय र नगरपालिकाको पहलमा अवरुद्ध सडक खुलेको हो ।
उहाँले भन्नुभयो निरन्तर ४ दिनसम्म वडा कार्यालयमा भएको वार्ता भयो र श्रम सहकारीले संघर्षका कार्यक्रम घोषणा गरिसकेको छ , अब उसले आफ्ना कार्यक्रम अनुसार काम गर्ने भएकोले अवरुद्ध सडक खोलिएको हो ।
अवरुद्ध सडक खुलेसँगै यातायातका साधनहरु सञ्चालनमा आएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
