घोराही उपमहानगरपालिका वडा नम्बर १८ मा लागु औषध दूव्र्यशनी बिरुद्ध विद्यालय सचेतना कक्षा सञ्चालन सुरु गरिएको छ ।
वडा भित्र रहेका विभिन्न तीन वटा विद्यालयमा लागु औषध दूव्र्यसनी बिरुद्ध कक्षा सञ्चालन गर्ने निर्णय गरेको वडा अध्यक्ष भरत अर्यालले जानकारी दिनुभयो ।
यसैक्रममा आज देखी आधारभुत विद्यालय बेलघारीमा कक्षा सञ्चालन गरिएको छ । विद्यालय व्यवस्थापन समितिका अध्यक्ष कुमुद पोख्रेलको अध्यक्षता एवं वडा नम्बर १८ का अध्यक्ष अर्यालको प्रमुख आतिथ्यतामा दूव्र्यसनी बिरुद्धको विद्यालय शिक्षा सुरुवात गरिएको हो ।
वडाले विद्यालयमा अब पाठ्यक्रममै राखेर यसबारे सचेतना जगाउन विद्यार्थीहरुलाई पढाउने जनाएको छ । पहिलो चरणमा तीन वटा विद्यालयमा र विस्तारै अन्य विद्यालयमा पनि यसबारे कक्षा सञ्चालन हुने वडा अध्यक्षको भनाई छ । वडा कार्यालयको बजेटबाट एक जना शिक्षकलाई लागु औषधका बारेमा प्रशिक्षण दिएर पढाई हुने छ ।
विद्यालयका प्रधानाध्यापक सीता पौडेलको स्वागत मन्तव्यबाट सुरुभएको कार्यक्रमको सहजिकरण शिक्षक डिल्ली जिएमले गर्नुभएको थियो ।कार्यक्रमका बारेमा लागु औषध बिरुद्धको प्रशिक्षक बसन्त पुनले जानकारी गराउनुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
