घोराही १८ नवलपुरमा जारी केशरसिंह श्रेष्ठस्मृति आमन्त्रण फूटबल प्रतियोगिता नवलपुर कपमा आज तेसो दिन तीन खेल भएका छन् ।
आयोजक नवलपुर युवा क्बल र किसान जागृति युवा क्लबबीच विहान भएको खेल बराबरी गोलमा रोकिएको छ । दुबै टीमले २/२ गोल हानेका थिए ।
नवलपुरका निरज जिसी र नारायण राना मगर तथा किसान जागृतिका एरोन रोका र जीवन रोकाले एक÷एक गोल गरेका हुन् ।
त्यस्तै दिउँसो भएको खेलमा यूएनबिसीले सनस्टार क्लब रोल्पालाई १ का बिरुद्ध तीन गोलले पराजित गरेको छ ।
खेलमा यूएनबिसीका रुपक शाहीले तीन गोल गरी ह्याट्रिक गरेका थिए भने सनस्टारका सन्तोष थापाले एक गोल गरेको फोर्थ अफिसियल सन्देश श्रेष्ठले जानकारी दिनुभयो ।
तेस्रो खेलमा एसएसएफएलाई शून्यका बिरुद्ध एक गोलले हराउँदै सक्सेज युवा क्लब बिजयी भएको छ । सक्सेसका मोहन रावतले गोल गरेका थिए ।
भोलि पहिलो खेल दिउँसो १ बजे न्यूस्टार र किसान जागृतिबीच हुनेछ भने दोसो खेल दिउँसो ३ बजे राप्ती क्लब र आयोजक नवलपुर युवा क्लबबीच हुने छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
