आगामी पुस ११ गते १२६ औं माओ जयन्ति दाङमा पनि मनाइने भएको छ ।
बाम सहकार्यका लागि साझा मञ्च दाङको आयोजनामा नेपाल पत्रकार महासंघको सभाहलमा विहान साढे ११ बजे कार्यक्रम गरिने छ । बाम सहकार्यका लागि साझा मञ्च दाङको शनिवार घोराहीमा बसेको बैठकले सो निर्णय गरेको हो ।
बैठकले ‘माक्र्सवादको विकासमा माओको योगदान’ बिषयक गोष्ठी गर्ने निर्णय गरेको छ । गोष्ठीमा शशिधर भण्डारीलाई कार्यक्रम प्रस्तुत गर्ने जिम्मा दिइएको छ । कार्यक्रम संयोजकको जिम्मेवारी रामप्रसाद जैशीलाई दिइएको छ ।
मञ्चका अध्यक्ष सुशील गौतमको अध्यक्षतामा बैठक बसेको थियो । बाम सहकार्यका लागि साझा मञ्च दाङकै ब्यानरमा कार्यक्रम हुने सदस्य प्रमोद धितालले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
