सुपर काजल फिल्मस्को ब्यानरमा निर्माण भएको र अभिनेता, निर्माता तथा निर्देशक भुवन केसीले निर्माण गरेको चलचित्र ‘क्याप्टेन’ को ‘रहर छ संगै’ बोलको गीत रिलिज गरिएको छ। उक्त रिलिज गीतमा नायक अनमोल केसी र नव नायिका उपासना सिंह ठकुरीलाई,एक अर्कासंग मिठो माया दर्शाउदै,रोमान्टिक मूडमा फिचर्ड गरिएको छ ।
नेपालका सुन्दर लोकेसनमा उक्त गीतलाई छायांकन गरिएको छ । संगीतकार अर्जुन पोखरेलले अन्जु पन्त र शुगम पोखरेलको मिठो अनि दमदार आवाजमा अलि भिन्न शैलीमा उक्त रोमान्टिक गीत तयार पारेका छन् ।
चलचित्र ‘ क्याप्टेन’ को निर्देशन दीवाकर भट्टराईले गरेका छन् । चलचित्रमा कलाकारहरु अनमोल केसी, सरोज खनाल, सुर्यमाला शर्मा खनाल,सुनिल थापा, प्रशान्त ताम्राकार, विल्सन बिक्रम राई, राजाराम पौडेल, बुद्धि तामाङ, अमित श्रेष्ठआदि रहेका छन् । चलचित्र ‘क्याप्टेन ‘मार्फत नेपाली चलचित्र क्षेत्रमा दुई नायिका उपासना सिंह ठकुरी र प्रियंका एमभीले डेब्यु गर्दैछन् । चलचित्र ‘क्याप्टेन’ मा लेखन सामिप्य राज तिमिल्सिना,संगीत अर्जुन पोखरेल, डिओपी सुदीप बराल, छायाँकन नवराज उप्रेती, नृत्य कविराज गहतराज, द्धन्द्व चन्द्र पन्त, सम्पादन दीर्घ खड्काले गरेका छन् ।
चलचित्रले फागुन १७ गतेलाई रिलिज मिति तोकेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
