घोराही १५ को भृकुटीनगर टोलमा हिजो विहान १० बजे नालामा खसेर घाइते भएका बेवारिसे घाइते बृद्धिको झण्डै २८ घण्टापछि उद्धार गरिएको छ ।
घोराही उपमहानगरपालिकाका विपद् ब्यवस्थापन समिति संयोजक तथा घोराही १४ का वडा अध्यक्ष शक्तिराम डाँगीको अगुवाइमा उद्धार गरिएको हो । अध्यक्ष डाँगी, घोराही उपमहानगरका स्वास्थ्य अधिकृत विकेश रेग्मी र उज्यालो विहानी फाण्डेशनका स्वयंसेवकले उद्धार गरी उहाँलाई राप्ती स्वास्थ्य विज्ञान प्रतिष्ठान पु¥याएका छन् ।
त्यहाँ स्वाब परीक्षण गरी निलसागर मानव सेवा आश्रम पिपरी देउखुरीमा लैजाने जानकारी पाएको भृकुटीनगरका स्थानीय युवा विवेक न्यौपानेले जानकारी दिनुभयो । बेवारिसे अवस्थामा हिडिरहेका बृद्ध नालामा बसेर घाइते भएपछि हिडडुल गर्न नसकेर सडककिनामा पल्टिरहेका थिए ।
उनको उद्धारका लागि लामो समयदेखि प्रयास गरे पनि आज दिउँसो झण्डै तीस घण्टापछि उद्धार गरिएको न्यौपानेले जानकारी दिनुभयो ।
घोराही उपमहानगरपालिका–१४ बसपार्क नजिक सरकारी खाली जग्गामा उनी झुप्रो बनाएर बसेका पवलसिंह बिक नाम गरेका बृद्ध पछिल्लो समयमा बेवारिसे अवस्थामा रहनुभएको छ । छोरी विवाह गरेर गएको, छोरा पनि सम्पर्कमा नआएको र श्रीमतीको पनि गत वर्ष निधन भएपछि उहाँ एक्लो हुनुभएको थियो ।
पछिल्लो समयमा मागेर जीवन धानिरहेका बृद्ध अब सशक्त हुँदै गएपछि हिड्न नसक्ने अवस्थामा पुग्नुभएको छ । यसबारे आज विहानै सिस्ने अनलाइनले समाचार कभर गरेको थियो ।
यो पनि पढ्नहोस्
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
