मधुसूदन गिरी
दाङ, ११ चैत । दाङको बंगलाचुली गाउँपालिकामा दोस्रो बंगलाचुली अध्यक्ष कप खेलकुद प्रतियोगिता सञ्चालन हुने भएको छ । पहाडी क्षेत्रमा पनि खेलकुद गतिविधिको विकास गर्ने र खेलाडी उत्पादन गर्ने उदेश्यले सो प्रतियोगिता यही चैत १६ गतेदेखि सञ्चालन हुन लागेको हो ।
गत बर्षहमा कोरोनाको कारण हुन नसकेको अध्यक्ष कप यो बर्ष भने सञ्चालन हुने भएको छ ।
बंगलाचुली गाउँपालिकाको आर्थिक सहयोग र बंगलाचुली क्रिकेट विकास समन्वय समिति र स्टार बंगलाचुली युवा क्लबको संयुक्त आयोजनामा हुने उक्त प्रतियोगितामा क्रिकेट खेल क्लबस्तरीय र भलिबल खेल वडास्तरीय हुने बंगलाचुली क्रिकेट विकास समन्वय समितिका अध्यक्ष हिमाल महराले जानकारी दिनुभयो ।
प्रतियोगितामा क्रिकेट खेलमा सहभागी हुन बंगलाचुली क्रिकेट विकास समन्वय समितिमा दर्ता भएका क्लबले मात्र भाग लिन पाउने भएकोले समितिले क्लब दर्ता गर्न आह्वान पनि गरेको छ ।
निर्माणाधीन प्रादेशी खेलकुद मैदान जुम्लेपानीमा हुने प्रतियोगिताको लागि समितिले तयारी तिब्र पारेको स्टार बंगलाचुली युवा क्लबका अध्यक्ष शशिधर परियारले जानकारी दिनुभयो ।
प्रतियोगितालाई सफल पार्न सम्पूर्णमा समितिले अनुरोध गरेको छ । गत बर्ष पनि उक्त समितिले स्कुलस्तरीय क्रिकेट प्रतियोगिता सम्पन्न गरेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
