घोराही, २१ फागुन । दाङको घोराहीमा जारी प्रथम खुमबहादुर खड्का भलिबल प्रतियोगिताको फाइनलमा तुलसिपुर उपमहानगरपालिका र राप्ती गाउँपालिका भिड्ने भएका छन् ।
शनिबार बिहान सम्पन्न भएको पहिलो सेमिफाइनल खेलमा शान्तिनगर गाउँपालिकालाई २५- २१,२५ -२१ र २५-१४ को सोझो सेटमा पराजित गर्दै तुलसिपुर उपमहानगरपालिका फानल खेलमा प्रवेश गरेको हो ।
त्यस्तै दिउँसो सम्पन्न दोस्रो सेमिफाइनल खेलमा घोराही उपमहानगरपालिकालाई २५-१६,२५-२० र २५-२० को सोझो सेटमा पराजित गर्दै राप्ती गाउँपालिका पनि फाइनलमा प्रवेश गरेको हो ।
खड्का स्मृति कप उपाधीका लागि भोलि हुने खेलमा तुलसीपुर उपमहानगरपालिका र राप्ती गाउँपालिकाले कडा प्रतिस्पर्धा गर्ने भएका छन् ।
नेपाली कांग्रेस दाङको आयोजना फागुन १६ गतेदेखि सुरु भएको सो प्रतियोगिता भोलि २२ गते आइतबार सकिने छ । प्रतियोगिताको बिजेता र उपबिजेता टिमले क्रमशः नगद दुई लाख र एक लाख तथा कप,मेडल,प्रमाणपत्र हात पार्नेछन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
