रुकुम पश्चिम। बिहे हेर्न गएका तीन किशोरीमध्ये दुईको शव सानोभेरी नदीमा फेला परेको छ भने १४ वर्षीया सपना ओली अझै बेपत्ता छन्। घटनास्थल रुकुम पश्चिमको बाँफिकोट गाउँपालिका-३, भाग्ने नजिक रहेको नदी हो।
डीएसपी बेदबहादुर पौडेलका अनुसार शुरूमा १२ वर्षीया उर्मिला ओलीको शव भेटिएको थियो। त्यसको एक/डेढ मिटर तल १४ वर्षीया कल्पना ओलीको शव फेला परेको छ। उनीहरू सोमबार बेलुका पारिपट्टी गाउँमा आफन्तको बिहे हेर्न गएका थिए। पुल नतरी गाडी वारपार गर्न बनाइएको नदीको बाटो फर्किने क्रममा उनीहरूलाई नदीले बगाएको आशंका गरिएको छ।
डीएसपी पौडेलले बताए, “सपनाको खोजी भइरहेको छ। हामी तीनै जना किशोरीका आफन्तसँग सम्पर्कमा छौं र घटनाको थप अनुसन्धान गरिरहेका छौं।”
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
