नबिन पिएम
सल्यान। सल्यानमा सडक खन्ने क्रममा खसेको ढुंगाले च्यापिएर एक मजदुरको मृत्यु भएको छ ।
बनगाड कुपिण्डे नगरपालिका–१० lस्थित शिव आधारभूत विद्यालयलदेखि खानीगाउँसम्म सडक निर्माण गर्ने क्रममा खसेको ढुंगाले च्यापिएर बनगाड कुपिण्डे नगरपालिका -१० खानिगाउँ का ६० वर्षका टेकबहादुर पुन मगरको मृत्यु भएको हो ।
बनगाड कुपिण्डे नगरपालिका १० का वडाध्यक्ष मोते घर्तीका अनुसार सडक खन्ने क्रममा शुक्रबार ढुंगाले च्यापिएर पुन गम्भीर घाइते हुनुभएको थियो । उपचारका लागि नेपालगन्ज लैजाँदै गर्दा सनिबार बाटोमानै मृत्यु भएको हो ।
वडाअध्यक्ष घर्तीका अनुसार सडक निर्माण किनारमा पर्खाल लगाउन तलबाट खनिरहेका बेला छेउबाट खसेको ढुंगाले पुन च्यापिएर गम्भीर घाइते हुनुभएको थियो । पुनको मृत्यु भएपछि सडक निर्माण कार्य रोकिएको बताइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
