मधुसुदन गिरी
कमिरेचौर । मंसिर १५ गतेसम्मको अल्टिमेटममा छलफलमा नआएपछि टिप्पर सञ्चालन अनिश्चितकालीन रुपमा बन्द गरिएको छ । दाङको बंगलाचुली गाउँपालिकामा गुड्ने टिप्परहरु र सिमेन्ट उद्योगहरुले नियमको पालना नगरेको भन्दै स्थानीयले गाउँपालिका र वडा कार्यालयमा ध्यानाकर्षण पत्र बुझाउदा समेत अटेरी गरेको भन्दै स्थानीयले हिजो मंसिर १५ गतेसम्मको अल्टिमेटम दिएका थिए ।
सो समयमा सिमेन्ट उद्योगहरु टिप्पर व्यावसायि समितिहरु छलफलमा नआएपछि टिप्पर सञ्चालन अनिश्चितकालीन बन्द गर्ने निर्णय गरिएको स्थानिय अगुवा भेगराज डाँगीले जानकारी दिनुभयो । कच्चा पदार्थ बोक्ने टिप्परहरु निर्धारित समय बाहेक अरु समयमा समेत गुड्ने गरेको तथा ओभरलोड तथा ओभर स्पिड गुड्ने गरेको स्थानीयको आरोप रहेको छ ।
बंगलाचुली गाउँपालिकाभित्र पर्ने सडक पुर्ण रुपमा कालोपत्रे, कालोपत्रे भइसकेको सडकमा परेको खाल्डाखुल्डीहरु पुर्ने, निर्धारित समयमा मात्रै टिप्पर गुड्ने र ओभरलोड र ओभर स्पिडलाई नियन्त्रण नगरेको स्थानियको आरोप छ । सो मागहरू पूरा नहुदासम्म टिप्पर सञ्चालनमा रोक लगाइने बताइएको छ ।
केही समय अघि बंगलाचुली गाउँपालिका र वडा नम्बर ३ र ४ को कार्यालयमा ध्यानाकर्षण पत्र बुझाएका थिए ।
बंगलाचुली गाउँपालिका, जिल्ला प्रशासन कार्याल दाङ र जिल्ला प्रहरी कार्यालाय, व्यवसायी लगाएतको सहभागीतामा बसेको बैठकले टिप्परहरुको लागि बिहान ९ बजेदेखि ११ बजे सम्म र दिउसो ३ बजेदेखि ५ बजेसम्म टिप्पर सञ्चालनमा रोक लागाउने निर्णय गरेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
