काठमाडौं। नेकपा एमालेले पार्टीभित्र नीति तथा नेतृत्वको सुरक्षा, जनसुरक्षा र विपद्–व्यवस्थापनमा सहयोग पुर्याउने उद्देश्य सहित आज ‘नेशनल भोलेन्टियर फोर्स (एनभिएफ)’ औपचारिक रूपमा घोषणा गर्ने भएको छ ।
माइतीघर मण्डलामा भेलाभएका युवाहरूले बानेश्वरसम्म मार्चपास गर्नेछन् । सोही कार्यक्रमका क्रममा एनभिएफको औपचारिक घोषणा गर्ने व्यवस्था मिलाइएको हो ।
आज बिहान ११ बजे एमाले अध्यक्ष केपी शर्मा ओलीले एनभिएफको घोषणा गर्नेछन् । एमालेको जनसंगठन समन्वय संयन्त्रका प्रमुख भानुभक्त ढकालको पहलमा करिब १५ दिनअघि कार्यदल गठन गरिएको थियो ।
उक्त कार्यदलको संयोजन पोलिटब्यूरो सदस्य महेश बस्नेतले गरेका थिए । कार्यदलले विधान, लोगो, झण्डा, संगठन संरचना, उद्देश्य तथा भविष्यका कार्यक्रमसमेत तयार पारेर फोर्स निर्माण गरेको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
