घोराही । नेपाल कम्युनिस्ट पार्टी दाङले भालुवाङमा रहेको सहिद कृष्णसेन इच्छुकको सालिक अवलोकन गरेको छ । जेएनजीको प्रदर्शनको क्रममा तोडफोड भएको कृष्णसेनको सालिक पार्टीले आज आइतबार अवलोकन गरेको हो ।
पार्टीका जिल्ला इञ्चार्ज सविन सीले गत भाद्र २४ गते बेलुका जेनजी आन्दोलनमा घुसपैठ गरेका अपराधीहरूले अमर सहिद कृष्णसेन इच्छुकको दाङको भालुबाङमा रहेको सालिक तोडफोड गरेको बताउनुभयो । उहाँले कृष्णसेनको सालिक तोडफोड भएको स्थानमा पुगेर अवलोकन गर्दै उक्त कार्यको भत्सना गर्नुभएको छ । साथै छिट्टै सालिक पुनस्थापना गर्ने अठोटसहित स्तम्भमा इच्छुकको फोटो स्थापित गरिएको उहाँले बताउनुभयो ।
पार्टीका जिल्ला इञ्चार्ज सविन सीको नेतृत्वमा नेताकार्यकर्ताहरु कृष्णसेनसेनको सालिक अवलोकन गर्न भालुवाङ पुगेको थिए । सो अवसरमा पार्टीले तोडफोड भएको सालिकमा कृष्णसेनको फोटो समेत टासेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
