दाङ । सृजनशील युवा क्लब, सत्यवती–५ हँसरा, गुल्मीले आयोजना गरेको खुल्ला वार्ड स्तरीय पुरुष भलिबल प्रतियोगिता तथा बृहत् सांस्कृतिक कार्यक्रम–२०८२ अहिले उत्साहपूर्वक सञ्चालन भइरहेको छ।
भदौ ५ गतेदेखि सुरु भएको भलिबल प्रतियोगितासँगै भदौ १२ गते, ऋषिपञ्चमीका दिन विशेष सांस्कृतिक कार्यक्रम हुने क्लबले जनाएको छ।
कार्यक्रमलाई झनै आकर्षक बनाउन ‘स्टेज क्वीन’को उपनाम पाएकी चर्चित लोक तथा दोहोरी गायिका भूमिका गिरी र लोकप्रिय गायक भागिरथ चालाउनेको विशेष प्रस्तुति रहनेछ। साथै, स्थानीय कलाकारहरूले समेत धमाकेदार प्रस्तुति दिने तयारी गरिएको आयोजकले जानकारी दिएको छ।
आयोजक समितिका अनुसार तीज पर्वलाई विशेष अवसर बनाई आयोजना गरिएको यो कार्यक्रमले खेलकुदप्रति युवाको रुचि बढाउनुका साथै कला–संस्कृतिको संरक्षण र प्रवर्द्धनमा महत्वपूर्ण योगदान गर्ने अपेक्षा गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
