दाङ। दाङकी लोकप्रीय गायिका देवकला बस्नेतको प्रस्तुति रहेको नयाँ तीज गीत ‘को आफ्नै को पराई चिन माया’ सार्वजनिक गरिएको छ । साउन १२ गते उनको आफ्नै युटुब च्यानल ‘देवकला बस्नेत’ मार्फत गीत सार्वजनिक गरेकी हुन् ।
गायिका देवकला बस्नेत र गायक खुमन अधिकारीको स्वरमा रहेको उक्त गीतमा शब्द तथा संगीत किरण बाबु पुनको रहेको छ । सङ्गीत संयोजन, मिक्सिङ तथा माष्टरिङ कुमार सानु पुनले गरेका छन् भने रेकर्डिङ सागर बाबु पुनले गरेका हुन् । गीत शंकरा स्टुडियोमा रेकर्ड गरिएको हो ।
भिडियोलाई निशान बानियाँले निर्देशन गरेका हुन् । रुबिना अधिकारी र सुरेश कोहलीको अभिनय रहेको भिडियोमा पारिवारिक सम्बन्ध, माया र सामाजिक यथार्थलाई देखाइएको छ ।
कोरियोग्राफी दावा लामा, छायांकन सुरेश श्रेष्ठ र टिम, सम्पादन, रङ मिलाउने तथा पोस्टर डिजाइनको काम असिम चन्द्र विश्वकर्माले गरेका छन् ।
निर्मला आचार्यले मेकअप गरेका छन् भने भरत गुरुङ व्यवस्थापकका रूपमा रहेका छन् । भिडियोको पोस्ट प्रोडक्सन पानस फिल्म्सले गरेको हो ।
गीतले महिलाहरूको भावना, चाडपर्वको सांस्कृतिक झल्को र समाजमा रहेको भेदभावप्रति सन्देश दिन खोजिएको छ ।
भिडियो
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
