दाङ । नेपाली सांगितिक क्षेत्रमा सक्रिय गायिका रिता केसीको स्वरमा सजिएको नयाँ गीत “तिमी उठी हिँडेपछि” सार्वजनिक भएको छ । रोमान्टिक तथा भावुक शैलीमा तयार पारिएको यो गीतले श्रोतामाझ राम्रो चर्चा बटुल्ने विश्वास गरिएको छ ।

गीतका शब्द सिर्जना देव डाँगीले गरेका हुन् । प्रेम र विछोडका भावनालाई शब्दमा उतार्ने डाँगीको प्रयासलाई संगीतकार राजकुमार बगरले मार्मिक धुनमार्फत जीवन्त पारेका छन् । गीतको सङ्गीत संयोजन (एरेञ्ज) पुरूषोत्तम सुवेदीले गरेका छन् ।

भिडियोतर्फ, गीतको छायाङ्कन रामकुमार केसीले गरेका हुन् भने सम्पादन र रङ संयोजन विनोद बमले गरेका छन् । भिडियोको निर्देशन पूजा ठकुरीले सम्हालेकी छिन् । भिडियोमा गायिका रिता केसी आफैँ फिचर भएकी छन्, जसले गीतको भावनालाई अझ सजीव ढङ्गले प्रस्तुत गरेको छ ।

गीत “तिमी उठी हिँडेपछि” प्रेममा हुने वेदना, विरह र पीडाका पक्षलाई उजागर गर्छ । प्रेममा अलगावको पीडा र त्यसले छोड्ने गहिरो प्रभावलाई रिता केसीको मिठासपूर्ण स्वर र भावपूर्ण अभिव्यक्तिले अझ प्रभावकारी बनाएको छ । भिडियोमा रिता केसीको अभिनयले गीतमा गहिराइ थपेको छ ।

गीत रिता केसी अफिसियल युट्युब च्यानल मार्फत सार्वजनिक गरिएको छ, जहाँ श्रोताले गीतको भिडियोसहित आनन्द लिन सक्नेछन् । सामाजिक सञ्जाल तथा युट्युबमा गीतलाई सकारात्मक प्रतिक्रिया आउन थालेको छ ।

रिता केसीका अघिल्ला गीतहरू जस्तै यो गीतले पनि दर्शक र श्रोताको मन जित्ने विश्वास गरिएको छ ।

भिडियो

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।