दाङ। अघिल्लो सरकारले घोराही–रोल्पा खण्डको ३१ किलोमिटर सडक कालोपत्रे गर्नका लागि छुट्याएको बजेट वर्तमान सरकारले काटेको छ । कूल बजेट १ अर्ब २५ करोडमध्ये सरकारले ६८ करोड रुपैयाँ काटेको भन्दै पूर्वअर्थमन्त्री वर्षमान पुनले आपत्ति जनाउनुभयो ।
अघिल्लो सरकारले विनियोजित गरेको बजेट नयाँ सरकारले रकमान्तर गरेर ६८ करोड बजेट घटाएको उहाँले जानकारी दिनुभयो । आइतबार बसेको प्रतिनिधिसभा बैठकमा पुनले सहिद मार्गको घोराही–रोल्पा खण्डको ३१ किलोमिटर सडक कालोपत्रे गर्नका लागि अघिल्लो सरकारले १ अर्ब २५ करोड बजेट व्यवस्था गरेकोमध्ये तर, हालै नयाँ सरकार गठन भइसकेपछि सो बजेटबाट ६८ करोड रकम रकमान्तर गरिएको बताउनुभयो।
उहाँले उनले अझैपनि सडकको ठेक्का नलागेको भन्दै सो खण्डको तुरुन्त ठेक्का लगाउने व्यवस्था गर्न सभामुखमार्फत सरकारको ध्यानाकर्षण गराउनुभयो। उहाँले अनियन्त्रित टिपरका कारण दाङ, रोल्पा र रुकुम क्षेत्रका जनता त्रसित भएको भन्दै सरकारको ध्यानाकर्षण गराउनुभयो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
