निराजन सिर्पाली
रुकुमपूर्व । रुकुमपूर्वको भूमे गाउँपालिका वडा नम्बर ४ मा तीनजनाको शव फेला परेको छ ।
भूमे – ४ साकिमका ५१ वर्षीय चन्द्रसिङ पुनले ६० वर्षीय ढाटी बुढा र बुढाको नाति ८ महिनाको समिर बुढालाई खुकुरी प्रहार गरी हत्या गरेका हुन् । दुवै जनाको घटनास्थलमै मृत्यु भएको जिल्ला प्रहरी कार्यालय रुकुम पूर्वका डिएसपी माधवराज खरेलले जानकारी दिएका छन् । डिएसपी खरेलका अनुसार फरार भनिएका चन्द्रसिङ पुनलाई पनि खोजतालसका क्रममा खुलखुले खोलामा टाउकोमा धारिलो चोट लागेको अवस्थामा मृत फेला पारिएको बताइएको छ ।
भूमे गाउँपालिका – ४ का वडा अध्यक्ष श्याम प्रसाद बुढाका अनुसार दुई जनाको शवलाई मुचुल्का बनाई शव उठाउने प्रक्रिया भैरहेको र फरार भनिएकाे व्यक्तिको शवलाई पनि मुचुल्का उठाउने प्रक्रिया चलेको छ ।
यस बिषयमा अनुसन्धान पश्चात् पुरा विवरण आउने जिल्ला प्रहरी कार्यालय रुकुम पूर्वका सुचना अधिकारी हिमबहादुर केसीले जानकारी दिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
