गोविन्द खड्का
घोराही । नेपाल मोवाईल व्यवसायी संघ दाङको प्रथम अधिवेशनबाट अध्यक्षमा शरद केसी निर्वाचित हुनुभएको छ । शनिवार भएको चुनावमा अध्यक्ष पदमा केसी र भिमसेन डिसीबीच प्रतिस्पर्धा भएको हो।
यसैगरी निवर्तमान अध्यक्ष शालीकराम खनाल, प्रथम उपाध्यक्ष हरिबहादुर खड्का, उपाध्यक्ष सुरज भण्डारी, महासचिव भिम भुषाल, सचिव रेशम बहादुर केसी, कोषाध्यक्ष कृष्णबहादुर कुँवर, सहकोषाध्यक्ष माधव प्रसान न्यौपाने (समिर) हुनुभएको छ । यसैगरी सदस्यहरुमा ललित बेल्वासे, नविन पौडेल, कमल प्रसाद खनाल, पंकजकुमार कसौधन, टोपलाल भुषाल, बुद्धिराम भुषाल, चन्द्रप्रकाश विक र विजय सिंह ठकुरी निर्विरोध निर्वाचीत हुनुभएको छ।
संघका अध्यक्ष शालिकराम खनालको अध्यक्षता एवं घोराही उपमहानगरपालिकाका मेयर नरुलाल चौधरीको प्रमुख आतिथ्यमा भएको कार्यक्रममा कार्यक्रममा प्रगति प्रतिवेदन अध्यक्ष शलिकराम खनालले, आर्थिक प्रतिवेदन कोषाध्यक्ष शरद केसिले प्रस्तुत गर्नुभएको थियो । सो अवसरमा नेपाल मोवाईल व्यवसायी महासंघका केन्द्रीय उपाध्यक्ष दिपक पाण्डेय, दाङ जिल्ला उद्योग वाणिज्य संघका सह कोषाध्यक्ष माधव खनाल, नेपाल मोवाईल व्यवसायी महासंघका लुम्बिनी प्रदेश अध्यक्ष शेषनारायण शर्मा, तुलसीपुर मोवाईल तथा इलेक्टोनिक व्यवसायी समितिका अध्यक्ष खुमन विश्वकर्मा लगायतले शुभकामना मन्तव्य व्यक्त गर्नुभएको थियो।
कार्यक्रममा स्वागत उपाध्यक्ष हरी खड्काले र सञ्चालन सचिव शरद केसीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
