विकास खड्का
रोल्पा । जिल्लाको परिवर्तन गाउँपालिका – ३ मा रहेको श्री नेपाल राष्ट्रिय माध्यमिक विद्यालयमा अभिभावक भेला तथा शैक्षिक सुधार कार्यक्रम सम्पन्न भएको छ । विद्यालयको आयोजनामा शुक्रबार विद्यालयकै प्राङ्गणमा उक्त कार्यक्रम सम्पन्न भएको हो ।
विद्यालय व्यवस्थापन समितिका अध्यक्ष खिम बिक्रम चन्दले विद्यालयको शैक्षिक गुणस्तर बढाउनको लागि सम्पूर्ण अभिभावक, विद्यार्थी र शिक्षक एकजुट भएर लाग्न जरुरी भएको बताउनुभयो। उहाँले पढाइ सँगसँगै विद्यार्थीहरू सफा र व्यावहारिक पनि हुनुपर्छ भन्ने कुरामा जोड दिनुभयो । विद्यालयको समग्र शैक्षिक उन्नयन र विकासका लागि सबैको साथ र सहयोगको उत्तिकै महत्त्व हुने उहाँको भनाइ थियो ।
विव्यसका अध्यक्ष खिम विक्रम चन्दको अध्यक्षतामा भएको कार्यक्रममा विद्यालयका प्रधानाध्यापक, शिक्षक/ शिक्षिका तथा अभिभावकहरुको उपस्थिति रहेको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
